السلام عليكم ورحمه الله وبركاته
غلباوى ده كان وصفى زمان كل اللى يشوفنى يقول الواد ده غلباوى يمكن علشان كنت مسحوب من لسانى زى ما كانت ماما على طول تقولى وصحاب بابا زمان لما كانوا يجوا عندنا يقولوا امال فين ابنك الغلباوى
طبعا انا كنت بفرح بالاسم ده اوى اهو عيل عبيط فرحان بالتميز اللى هو فيه وخلاص
لما كبرت بقى حسيت بالغربه وحسيت انى غريب فى الدنيا دى مش عارف ليه حاسس ان الزمن ده مش زمنى ودى مدونتى جمعت فيها الاسمين غلباوى وغريب.
انا ممكن اكتب هنا حاجات تعجبكوا وحاجات تقرفوا منها وحاجات تقبلوها وحاجات ترفضوها وحاجات تتفقوا معايا فيها وحاجات كتير تختلفوا معايا فيها مش عارف ليه علشان انا غلباوى ولا علشان انا غريب
0 تعليقات