غزه اللى عشقت الحزه

سنّ القلم من جديد وارسم بنات

غزة

غزة اللي حضنت سلوكها وعشقت

الحزة

ما ما تتش .. طب ما أنت مت ....

عرفت تتوفى

كلمات للشاعر عبد الرحمن الابنودى من ديوان الموت على الاسفلت بيخاطب بيه ناجى العلى بعد قتله تعبر عن واقع غزه اليوم . الحقيقه انا بستغرب على شعب غزه ازاى قادر يعيش ويكافح ويبتسم شعب يفتقر الى ابسط اساليب المعيشه .غاز..كهرباء ..امن ومع ذلك لسه بيحلموا ..لسه بيحلموا وحكومتنا الموقره خذلتهم انا اعرف ان الحصار ده علشان يبقى حصار لازم يكونوا متحاوطين من الاربع جهات ومافيش اى منفذ ليهم طيب مش فيه منفذ رفح اللى من ناحيتنا مش يبقى كده مش حصار ..اه بس احنا اللى كملنا الحصار على اخوتنا ..بس للاسف احنا كمان محاصرين بس محاصرين من جوه..يمكن يكون ده عذرنا يمكن فى غزه يصدقونا ويعرفوا اننا معاهم فى الحصار ولا هما مفكرين اننا سيبناهم كلمات اخرى من نفس الديوان
يا خيي إنت وحداني

أنا صاحبك في جورناني


ساعة ما يذبحوك أصرخ

وأتلوى في أحزاني

لكن عمري ما مديت يد

أحوش باليد مدة يد

أنا موهبتي في لساني

ومش موهوب في شيء تاني

ولا مقاتل

ولا محارب

ولا مودي

ولا جايب


حبيبك … إنما شفوي وقلباوي


لكن لا طبيب ولا مداوي

ولا بأعرف أخوض الموت … ولا ناوي


أنا في كل ده خايب


ومش ظهرك

ومش سندك

ومش بلدك

ومش بلدك

وبأستغرب على جلَدك


فلو حتحس لخيك يوم

حتنادي

تلاقيني في عز النوم

أنا والعالم العربي

ليلاتي زى ما بننام