ربنا يشفيك يا محمود

قابلته اول مره من سنتين ونص فى الاسكندريه كان جاى من طنطا علشان يشوف ماتش الزمالك فى
الاستاد مش عارف ليه اختارنى انا من وسط الناس وسالنى انت من زمالك تى فى قولتله اه سالنى عن النيك نيم بتاعى واسمى واتعرفنا على بعض كان جاى من طنطا للاسكندريه معاه 5جنيه علشان يشوف الزمالك وكان حاجز بيهم تذكره مع جمهور الاتحاد علشان تذكرتنا كانت بـ10جنيه اخدته واشتريتله تذكره فى مدرجاتنا كان زى العسل ضحك وهزار واخر مرح اتفرجنا عالماتش وكسبنا 3/0 وهيصنا وفرحنا وسيبته هو مشى مع محمود الفلسطينى .قلبلته بعدها مره فىالقاهره فى ماتش للزمالك برضه.
وخدتنا الحياه كل فين وفين نكلم بعض عالماسينجر من اسبوع كده لقيت توبيك فى التى فى بيقول ادعوا لمحمود تخيلت اى محمود فى المنتدى عنده اى ظرف الا محمود ده .
لقيت فعلا مكتوب كده ان محمود مريض بورم فى المخ وحالته صعبه جدا ناس كتير راحت سالت عليه وشافته قابلت الفلسطينى امبارح قولتله عايزين نروح لمحمود قالى محمود فى غيبوبه يعنى هانروح هانشوفه ممد وبس ماجاليش قلبى اروح واشوفه كده
انهارده هايعمل عمليه لوقف رشح المياه على المخ الاول وبعدين يتعاملوا مع المرض ربنا يشفيك يا حوده وتقوم بالسلامه ونتقابل انا وانت كتير بعد كده

أسأل الله العظيم رب العرش العظيم ان يشفيك

أسأل الله العظيم رب العرش العظيم ان يشفيك

أسأل الله العظيم رب العرش العظيم ان يشفيك

أسأل الله العظيم رب العرش العظيم ان يشفيك

أسأل الله العظيم رب العرش العظيم ان يشفيك

أسأل الله العظيم رب العرش العظيم ان يشفيك

أسأل الله العظيم رب العرش العظيم ان يشفيك